Anschi


  Startseite
    Fotos
    Über mich
  Über...
  Archiv
  Links
  Gästebuch
  Kontakt
 


 



http://myblog.de/anschi

Gratis bloggen bei
myblog.de





 
Über

Alter: 41
 



Werbung



Blog

1.9.08 22:28


My First Name ist:Dünne Frau ;-)

Müine Tante Emilie hät müiner Modder jümmer vertellt, se woll seo cherne mol wier no Pyrmont int „Café Crystal“.

Un wüil Emilie dat jümmer wier teor Sproke brochte, sind müine Öllern eunet Dages met de Tanten no Pyrmont fohrn. In dat Kaffe in den Bronnenstroten sind de Kurgäste cherne an´n Nomiddag gangen, ümme seck de Luie teo beküiken un ümme sümst seuhn teo wern. De Luie hät sick domols nau richtig in Schale schmetten, de Kerls met Schlips un Anzug un de Frubben met Pelzmantel un Pömps. Auk müine Öllern un Emilie hät seck anmeten schick maket. In den füinen Kaffe hät man sick den Platz nich sümst soiket, eun Meken brochte de Gäste teo jühren Disk. Dänn kamm et met den Korten, eune för Gedränke un eune förn Keoken. Müine Öllern hät sick Kaffe un Himmern-Schmandtorte bestellt, öber de Tante Emilie woll blauß Kaffe. No euner Wüile kamm dat Meken met den Kaffe un de Torten un müine Öllern hät et sick munnen loten. Öber Emilie hät ühre Tasken upmaket un eun Pakeut met Lewwerwostbotterbrauten iutpackt. De hät de Tanten up den Disk läggt un eunet teon Kaffe eten. De Riuk no Lewwerwost hät sick rüitsk in´n ganßen füinen Kaffe iutbreutet un de annern Gäste un de Serviermeken hät unnernanner wat flustert. Müinen Vadder was dat seo schanierlick, dat heu iutdrunken un dat Kaffe fluchtortig verloten hät. Müinen Modder was dat auk schenant, öber euner moßte ja iuthaulen un büi de Tanten blüiwen. De Geschichten ess vör öwwer füimtwintig Johrn passört, öber jeudet Mol, wänn eck met müinen Öllern in Pyrmont sinn, sächt müine Modder teo müinen Vadder: „Weut diu nau, dat met de Emilie ühren Lewwerwostbraut?“
1.9.08 21:32


1.9.08 22:28


Hallo erst mal....
Willkommen in meinem Weblog!
28.10.04 18:29





Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung